Ziyarat for Imam Baqir & the Imams of Baqi

ے میرے آقا و اے رسولِ خدا کے فرزندان! آپ کا غلام اور آپ کی کنیز کا بیٹا آپ کے حضور خوار و ذلیل ہوں آپ کی بلند شان کے سامنے ناتواں ہوں اور آپ کے حق کا معترف ہوں آپ کے ہاں پناہ کا طالب ہوں آپ کے حرم کا قصد کر کے آیا ہوں اور آپ کے مقام کا قرب چاہتا ہوں اور آپ کے ذریعے سے اللہ تعالیٰ کی طرف جانے کا متمنی ہوں آیا اندر آ جاؤں میرے سردار و آیا اندر آ جاؤں اے اللہ کے اولیا آیا اندر آ جاؤں اے اللہ کے فرشتو جو اس حرم کو گھیرے ہوئے ہو اور اس زیارت گاہ میں رہتے ہو آیا اجازت ہے میں اس کے اندر آؤں۔ جو یگانہ، بے نیاز، شان والا، یکتا، فضل و کرم والا، مہربان، بخشش کرنے والا اور محبت والا ہے، جس نے اپنی نعمت سے احسان کیا اور اپنے کرم سے میرے آقاؤں کی زیارت کو مجھ پر آسان کیا ہے اس زیارت میں کوئی رکاوٹ نہ آنے دی بلکہ وسعت دی اور مہربانی کی۔ پھر ان بزرگوں کی قبروں کے قریب جائے ان کی قبر کی طرف رخ کرتے ہوئے پشت بہ قبلہ ہو کر یہ زیارت پڑھے: آپ پر سلام ہو اے ہدایت دینے والے ائمہ، آپ پر سلام ہو اے صاحبانِ تقویٰ، آپ پر سلام ہو جو دنیا والوں کے لیے خدا کی حجت اور دلیل ہیں، آپ پر سلام ہو جو مخلوقات میں عدل و انصاف قائم کرنے والے ہو، سلام ہو آپ پر اے صاحبانِ صفا، آپ پر سلام ہو جو رسول اللہ کی آلِ پاک ہو، آپ پر سلام ہو جو خدا کے رازداں ہو میں گواہی دیتا ہوں کہ آپ سب نے بہترین تبلیغ کی اور نصیحت فرمائی اور خدا کی راہ میں صبر کیا اور جب آپ کو جھٹلایا گیا اور آپ سے برا سلوک کیا گیا تو آپ نے درگزر کیا، میں گواہی دیتا ہوں کہ آپ سب ہدایت یافتہ و ہدایت دینے والے امام ہیں یقیناً آپ کی اطاعت واجب ہے، اور آپ کا قول برحق ہے، بے شک آپ نے دعوت دی اور اسے قبول نہیں کیا گیا، آپ نے حکم دیا تو اطاعت نہ کی گئی، سب دین کے ستون اور ہمیشہ سے زمین کے رکن ہیں خدا کی نگہبانی میں، آپ سب پاک و طاہر صلبوں سے پاک و پاکیزہ رحموں میں منتقل ہوئے ہیں آپ جاہلوں کی جاہلیت سے آلودہ نہیں ہوئے اور خواہشاتِ نفسانی کے فتنے آپ پر اثر نہیں ڈال سکے آپ کی اصل پاک ہے جزا دینے والے نے آپ کے ذریعے ہم پر احسان کیا پس اس نے آپ کو ان گھروں میں بھیجا جن کو خدا نے بلند کیا ان میں اس کا ذکر ہوتا ہے اور ہمارا درود آپ کیلئے قرار دیا جو ہمارے لیے رحمت ہے اور ہمارے گناہوں کا کفارہ ہے کہ خدا نے آپ کو ہمارے لیے چنا آپ کی ولایت سے ہماری خلقت کو پاک کیا اور ہم پر احسان کیا ہے آپکے علم کا اعتراف اور تصدیق کرنے سے ہم اس کے ہاں قابل ذکر ہو گئے ہیں اور اب اس حرم میں وہ شخص آیا کھڑا ہے جو گنہگار خطاکار اور مسکین ہے اپنے گناہوں کا اقرار کرنے والا ہے اس جگہ اپنی نجات کا امیدوار ہے اور چاہتا ہے کہ آپ کی شفاعت سے خدا اس کو ہلاکت و بربادی سے بچائے پس آپ سب میرے شفیع بن جائیں میں آپ کی بارگاہ میں اس وقت آیا ہوں جب دنیا والے آپ سے دور، انہوں نے آیات الہی کا مذاق اڑایا اور ان سے سرکشی کی ہے۔ اور یہ کہے: اے وہ ذات جو قائم ہے جو بھولتا نہیں ہے اور وہ دائم ہے جو غافل نہیں ہوتا اور ہر چیز کو گھیرے ہوئے ہے تیرا احسان ہے جس کے ساتھ تو نے مجھے توفیق دی اور زیارت کی معرفت بخشی کہ مجھے یہاں کھڑا کیا ہے جب تیرے بندے اس سے منحرف ہو گئے اس کی پہچان نہ کر پائے اس کے حق کو سبک سمجھ لیا اور غیر کی طرف مائل ہو گئے پھر مجھ پر تیرا فضل و کرم ہوا اور تو نے مجھے ان گروہوں کے ساتھ ملا دیا جن کو تو نے اپنے لئے خاص قرار دیا ہے پس حمد تیرے لیے ہے جب میں اس حرم میں ہوں مجھے تیرے ہاں یاد کیا گیا اور میرا نام لکھا گیا ہے پس مجھے میری آرزو سے محروم نہ فرما جو مانگتا ہوں اس میں ناکام نہ کر تجھے حضرت محمد اور ان کی آل پاک کا واسطہ ہے اور اللہ حضرت محمد و آل محمد پر رحمت کرے۔ اس کے بعد جو دعا چاہے مانگے، تہذیب میں شیخ طوسیؒ فرماتے ہیں کہ اس کے بعد آٹھ رکعت نمازِ زیارت پڑھے۔ یعنی ان چاروں ائمہ میں سے ہر امام کے لیے دو رکعت نماز پڑھے۔ شیخ طوسیؒ اور سید ابن طاؤسؒ نے کہا ہے کہ جب ان سے وداع ہونا چاہے تو کہے: آپ سب پر سلام ہو اے ہدایت کے ائمہ اور اس کی رحمت ہو اور اس کی برکتیں آپ کو وداع کرتا ہوں اور سپردِ خدا کرتا ہوں اور آپ پر سلام بھیجتا ہوں ایمان رکھتا ہوں خدا اور اس کے رسول پر اور جو آپ لائے اور جس کی طرف آپ نے رہنمائی فرمائی اے معبود! ہمیں یہ گواہی دینے والوں میں لکھ دے۔